Sa pakikipag-usap sa isang taong kapapanalo lamang ng isang major prize, di mo maitatanggi at mararamdaman mo mismo ang sama-sama at pinaghalong mga damdamin niya ng di-pagkapaniwala, excitement, kaligayahan at — syempre pa — pasasalamat.

Ito na naman ang lumutang nang aming makapanayam kamakailan lamang si G. Efren Capulong, Jr. ng Quezon City, ang latest winner ng ating Reach for your Dreams 3 Promo kung saan napagwagihan niya ang isang brand new 1.3 GL MT Honda City.

Hindi planowner si Mr. Capulong subali’t pinatotohanan niya na naging kaaya-aya ang kanyang karanasan sa presentation. Hindi umano umabot sa isang oras ang naging haba ng presentation sa kanya at nirespeto naman ng sales consultant na si Joy Mangalindan ang kanyang naging desisyon.

Si Mr. Capulong ay namamasukan sa isang kompanyang nag-su-supply ng mga imported kitchen equipment sa malalaking food establishments. Siya ay may tatlong anak na lalaki.
Unang pinagdalhan ni Mr. Capulong sa bago niyang silver Honda City? Sinundo niya si Misis mula sa opisina nito na isang travel agency sa Makati malapit sa ating Head Office sa Enterprise. Sabi nga niya, “Sino pa ba ang buwena-mano kundi si Mrs. Capulong syempre?!!”